топик, блог, фотосет ёки йўналтиргич яратиш

she'r:

Ne foyda

Блог им. shirincha2011

Tug’ilsam bag’riga bosib, “bolam” bolam deganim o’zing,


Qaynoq mehrin ayamasdan, mehr berganim o’zing,


Mard bo’lishni o’rgatgan, Vatan, merganim o’zing,


Qalbda ishqim bo’lmasa gar, qalam olish ne foyda,


Yurtim, madhing kuylamasam shoira bo’lish ne foyda.


 


Beshigingda uxlamasam “alla” aytganim sensan,


Qalbga iymon nurin solib, Alloh deganim sensan.


Ilk qadamim qattiq quchib qoqilmasin, degansan,


Dilda ishqim bo’lmasa gar, qalam olish ne foyda,


Vatan qadring so’zlolmasam, shoira bo’lish ne foyda.


 


Qo’lga qalam tutqazib yozib ilk so’zim – Vatan,


Men uchun o’zing yagona, o’zing tanho jon-u tan,


Yonib-kuyib barilla kuylasam noming harchand,


Qalbda ishqim bo’lmasa gar, qalam olish ne foyda,


Yurtim, madhing kuylasam shoira bo’lish ne foyda.



Ота тилаги

Erkin Vohidov

Таажжуб, дейман-у ёқа тутаман,


Мурғак бола эдим кеча-ку ўзим.


Бугун қарабсизки, мен ҳам отаман,


Менинг ҳам ўғлим бор — умид юлдузим.


 


Қалбим урмакда шу муштдек юракда,


Янгидан ўсмакда кичкина жисмим.


Демакки, ҳаётим давом этмакда,


Демакки, оламда қолмакда исмим.


 


Нима бор мен учун унингдек азиз? —


Арзир бир сўзига жон фидо этсам.


Жаҳонда нимаки бўлса энг лазиз,


Фақат унинг учун муҳайё этсам.


 


Кипригига зарра қўнмаса қайғу,


Бахти комил бўлса, толеи бекам.


Кўрса мен кўрмаган шодликларни у,


Етса мен етмаган ниятларга ҳам.


 


Аммо у бир умр бўлмай ошино


Тириклик деганнинг заҳмат, дардига,


Била олармикин надир бу дунё,


Ета олармикин ҳаёт қадрига?!


 


Ўғлим, эй, умидим боғида ниҳол,


Ёруғ пешонангни ўпиб силайман.


Шу азиз бошингга энг нурли хаёл,


Қалбингга энг тоза ҳислар тилайман.


 


Улғаярсан, йигит бўларсан бир кун,


Ортда қолар ёшлик, ўйин, эрмаклар.


Оламни елкада кўтармоқ учун


Дунёга келади, билсанг, эркаклар.


 


Эртанги кунингни ўйлаб шу пайтдан


Борлиқни қувончим билан ўрайман.


Сени менга берган бу табиатдан


Сенинг юрагингга олов сўрайман.


 


Майли, мушкул бўлсин сен танлаган йўл,


Толе ҳам, майлига, келмасин осон.


Фақат одам қадрин билар одам бўл,


Бўл инсон дардини билгувчи инсон!..

Mehrning chirog’i

Блог им. shirincha2011

Mayin shabbodaning titroq labida,


Bir tomchi shabnamdek baxtdan uchaman.


Har inson qalbining gul chamanida,


Rayhondek hush ifor gulni quchaman.


 


Mehr to’la qalblarning ummonidan men,


Chashmai ziloli suvin ichaman.


Har kimga yarashgay mehr libosi,


Shu matodin sizga ko’ylak bichaman.


 


Ul darmon qalbimga, madordir beshik,


Har shahlo ko’zlarga ziyodir sehri.


Qalblarda qaynasin mehr bulog’i,


Sira ham so’nmasin mehr chirog’i.


 


Farangiz Ne'matova.


 


 


 

Bahor.

Блог им. shirincha2011

Oshiqaman sen tomon,


Mushtoq qalb senga hamon,


Sog’indim juda yomon,


Intizoringman bahor!


 


G’unchalar kabi kulsam,


Shabnam labida o’lsam,


Gar suvsiz qolib so’lsam,


Bir bemoringman bahor!


 


Hushboy gullarning bo’yi,


Qalbimning nafas uyi,


Kel qilamiz gul to’yi,


Gulag zoringman bahor!


 


O’zbegim gulyuzlari.

Блог им. shirincha2011

Dudoqlari misoli g’uncha,


Ko’zlarida sehri mujassam.


Yanog’ida bir dona holcha,


Nigohida mehri mujassam.


 


Kamon qoshga qaldirg’och shaydo,


Kipriklari nayza misoli.


Qosh, kiprikka oshiqlar paydo,


Axir ular kumush timsoli.


 


Qaro ko’zlar tundanda qaro,


Also shafqat neligin bilmas.


Qarashiga qancha dil aro,


Shaydolarga bir javob qilmas.


 


Farishtadir har bitta go’zal,


O’zbegimning anor yuzlari.


Jamoliga bitarlar g’azal.


Lol qoldirar xumor ko’zlari.


 


 

Onajonginam

Блог им. shirincha2011

Dilim ta’rifingiz aytmoqlik uchun,


Yuzlanar har sahar qog’oz, qalamga.


Qalb to’lmaydi go’zal so’zlardan nechun,


Har kun yuz tutaman ming bor alamga.


 


Shodon yuzlaridan taraladi nur,


Olamni nafaslik, go’zallik bezar.


Sizsiz asl farishtam, baxtim yulduzi,


Siz sabab qalbimda halovat kezar.


 


Ohista qadamlar tuproq rohati,


Tabassumingizdan ochilgay gullar.


Shubhasiz, yashnatar hazon bog’larni,


Boshim silab duo qolgan bu qo’llar.


 


Qaniydi, jonimdan bitaman bir bayt,


Fido bo’lsin sizga arzimas jonim.


Aytilmagan sara go’zal so’zlardan,


Misralar topolsam baxtli har onim.


 


Dildagi ahdimdan baxtingiz quray,


Baxtingiz quliman, jonajonginam.


Ko’zlarim gavhari, umrimga ma’no,


Rohat-u savobim onajonginam.


 


Farangiz Ne'matova.

Samarqand qiziman

Блог им. shirincha2011

Yuraklar tuyg’ular isyon qiladi,


Meni mag’rurlikka ildam suradi,


Qalbimga orzular makon quradi,


Ko’hna Samarqandim qo’llab turadi.


 


Har nafas yodimda Yurtim ishonchi,


Bir hovuch tuprog’I kaftim quvonchi,


Sensiz qanday she’rlar bitaman, ayt-chi,


Ko’hna Maroqandim – umrim tayanchi.


 


Tarixing jahonda mash’ala yoqqan,


Tuprog’ida ulug’ bobolar yotgan,


Har yerda ularning izlari qotgan,


Men ulug’ zotlarning boqiy iziman.


 


Shoirlar kuylasa madhingni har dam,


Baxtimga teng emas tillo zarlar ham,


Shodlikdan tasanno aytsam – go’yo kam,


Men o’zbek qiziman, Samarqand qizi.


 


Yurtimning ta’rifi tillarda doston,


Ziyoga burkangan serquyosh makon,


Ahli baxtga to’lib quvlagan ondir,


Men o’zbek qiziman, Samarqand qizi.


 


Farangiz Ne'matova.

Xumorim, Vatan

Блог им. shirincha2011

Vatan, deb kuylarkan xushovoz bulbul,


Unga jo’r bo’larkan sochlari sunbul.


Gul Vatan yashnarkan baxtidan toshib,


Farzandi qucharkan qizg’anib shoshib.


 


Chamaning jamoli yuragim zarbi,


Xush ifor gullaring onamning atri.


Ko’zlarim parvona yonib ishqingda,


Betakror hurliging she’rlarim satri.


 


Har maysa, daraxting iltifot ila,


Shodlanib baxtidan aytar kaloming,


Seni, deb hayotman, xumorim, Vatan,


Qalbim har zarbida aytadi noming.


 


Tiz cho’kib, bosh egib, turib qoshingda,


Jonimni joningga payvand qilaman.


Yurakda ulug’im, sen nodirimsan,


Men seni dunyoda tanho bilaman.


 


Seni baxtim deya, atadim Vatan,Xumorim, Vatan…


 


Farangiz Ne'matova

Shiorim o’zing

Блог им. shirincha2011

Barq urgan rayhonlar iforida sen,


Mehridaryo onamning quchog’ida sen,


Umid-la boqqan ko’zlar qarog’ida sen,


Vatan, dilda kuylagan ash’orim o’zing.


 


Shoirlar kuylagay madhingni har dam,


Qancha yonib sevsam ham, bo’lar bari kam.


Noming ulug’laymiz birga bo’lib jam,


Farzandim tildan qo’ymas shiorim o’zing.



Ko’zmunchog’im

ОЎМТВ ҳузуридаги "Маънавият ва маърифат" маркази
Илм-фан


Olislashib bormoqdasiz yuragimdan,


Endi sira tushlarimga kirmaysizmi?


Ko’nglim hijil, munchog’im yo’q bilagimda,


Endi mening ”ko’zmunchog’im”  bo’lmaysizmi?


 


Asraguvchi yaxshi- yomon nigohlardan,


Dunyo g’ami, dildagi dard-u ohlardan,


Yiroq etib yomonlardan, gunohlardan,


Endi mening ”ko’zmunchog’im”  bo’lmaysizmi?


 


Ko’nglim notinch, qulog’imda dardli bir sas,


Qo’llarimni uzataman sizga yetmas,


Munchoqqinam uzilgani bejiz emas,


Endi mening ”ko’zmunchog’im” bo’lmaysizmi?


 


Qodirova M X

Shukrona

ОЎМТВ ҳузуридаги "Маънавият ва маърифат" маркази
Илм-фан

Gohi dunyolarga sig’mayman tordek,


Goh olis yurtlarga tovlanar mehrim.


Tingladim qasrlar ta’rifini, lek,


Onam quchog’idan keng uy ko’rmadim.


 


Olqishlar, maqtovlar aylanadi bosh,


Muhabbat isxori dillarda talosh,


Lek har on tinglasam ko’zda qalqar yosh,


Otam duosiga teng kuy ko’rmadim.



Кечир...

Блог им. sherali84

 

Қалбимни тинимсиз тирнар надомат,

Инграйди чалажон виждоним, Кечир,

Азизам, караминг чексиз каромат,

Эшит, кўксимдаги армоним, кечир!

 

Ширин сўзларингни чунон соғинсам,

Ҳижрон қийноғида ёмон оғринсам,

Оёғинг остига қордек ёғилсам,

Майли топтаб ўтгин, ҳар ёним… кечир…


Шу қутлуғ кун

Блог им. musurmon
Янгидан туғилди туйғулар гуё,
Кемтик қалблар бўлди гуёки бутун.
Мустақил давлатни таниди дунё,
Кўзларда қувончлар порлади шу кун.
 
Ғанимдан чўчимай, тап тортмай сира,
Ўз йўлин танлади мен ўсган Ватан.
БМТ да байроғи мағрур хилпираб.
Кўзларга ёш қалқди шунда дафъатан.
 
Дўстлар, шу диёрни доим асрайлик,
Мустақиллик мангу мустахкам бўлсин.
Уни жондан севган хар бир инсонниг,
Муроди ушалсин, хам бахти кулсин.
 
Гўзалхон Пўлатова     
Шахрисабз тумани Қатағон агросаноат коллежи талабаси

Бетакрор диёр

Блог им. musurmon
Йигирма бир йилки она юртимда,
Истиқлол нафаси кезиб брибди.
Ўз  йўлин танлаган ўзбек халқининг,
Илдам қадамини сезиб юрибди.
 
Минг шукур, дунёга юз очди Ватан,
Байроғи хилпирар хатто Нью – Йоркда.
Юрагим хаприқар, ғурурга тўлар,
Юртим мадхияси янграган чоғда
 
Гуллаб яшнайверсин бетакрор диёр,
Улуғ боболарим рухи қўлласин.
Хар бир оиласи бўлсин бахтиёр,
Шону шавкатига ҳеч кўз тегмасин.
 
Юлдуз Усмонова
Шахрисабз Халқ таълимига қарашли
14 – мактаб 7 – синф ўқувчиси

Ватан

Блог им. musurmon
Ватанни сев, бутун борлиғинг билан,
Эъзозла гиёху, хар заррасини.
Тупроғи  олтиндир, тополмагайсан,
Кезсак бутун само, ер куррасини.
 
Ватаним танҳо деб баралла айтгин,
Қуёш нури мисол оламга етсин.
Юртим, осмонинингни хурлик қўшиғи,
Болаларнинг шодон кулгуси тутсин.
 
Ватан чорлаганда ошиқсин юрак,
Илиқ, хароратин сезсин хар бир тан.
Эркини улуғлаб,ўссин келажак,
Онадек азиздир, муқаддас Ватан!
 
Лариса Мовлонова
Шахрисабз Халқ таълимига қарашли
39 – мактабнинг она – тили ва адабиёт ўқитувчиси