топик, блог, фотосет ёки йўналтиргич яратиш

she'riyat:

Yaxshilar bor dunyoda

Ijodkor yoshlar
Шеърият ва адабиёт
Haq so'zini so'zlagan
Haqiqatni ko'zlagan
Yuz yoshnida yuzlagan
Yaxshilar bor dunyoda.
Beozor xushxulq kishi
Doim ezgulik ishi
Ko'pdir uning tashvishi
Yaxshilar bor dunyoda.
Qaqnus qushi ajoyib
U yashaydi sahroda
Yomonlardan goh toyib
Yaxshilar bor dunyoda.
Ezgu amal ongida
Xush kayfiyat tongida
Dili xira gohida
Yaxshilar bor

“Бахтим шул – ўзбекнинг Зулфиясиман” мавзусида мушоира кечаси

Илм-фан
Жорий йилнинг  1 март  куни   институт ахборот –ресурс марказида  Ўзбекистон халқ  шоираси Зулфияхоним таваллудининг 101 йиллиги муносабати билан  “Бахтим шул – ўзбекнинг Зулфиясиман” мавзусида мушоира кечаси ташкил этилди. Тадбирда   Жиззах вилоят телевединияси,

Абай Қунанбай ўғли 170-йиллигига бағишланган адабий кеча

nomli blog samad9292
Шу йилнинг 2-декабрь куни Нукус шаҳри 25-сон умумтаълим мактабида  Қозоқ адабиётининг ёрқин номояндалардан бири Абай Қунонбой ўғли таваллуд топган кунига 170-йил тулиши муносабати билан адабий кеча  бўлиб ўтди.

Ko’ngil bekati

Блог им. nasurlayeva

Sen tomonga otsam bir qadam,


Qancha dovon oshmog’im kerak!


Eh-he seni topgunga qadar,


Umrim yetmay qolsa ham kerak!


 


Sabo yo’ldan qaytmagay zinhor,


U qalbiga sodiq yashaydi!


Zulmat ichra qolgan qalbiga,


Muhabbati nur bag’ishlaydi!


 


To’siq bo’lmang ey birodarlar,


Oshiq qizning yo’liga sira!


Yaxshimasmi qo’llab tursanglar,


Yosh bir nihol so’lgandan ko’ra!


ХАСТА ДИЛНИНГ...

Нафосат гулшани
Шеърият ва адабиёт

Хаста дилнинг хасратлари хатларимга кўчяпти,


Кўчманчи карвонларига чой тутиб қўлим куйган.


Саҳроларга нигоҳ тараб юрак-от чўчияпти,


Кунларидан мадад топмай, ой кутиб йўлим куйган.


 


Боқиб ашкбор назарларга дийдаси қотган кўзлар,


Юрагимга кипригини мўлжаллаб ҳузур қилар.


Ҳув олисда нимадир бор- бағримни эзиб бўзлар,


Бўзловлари якун топмай, жонимга озур қилар...


 


Оҳ, дунёси оҳу янглиғ чопиб юрибди ҳамон,


Туёғининг товушида садо берар сўзларим.


Тамом бўлмас бу кўчимлар, ғамлар бўлмагай тамом,


Қуёшларнинг тиғларида жоним қолар бўз, ғариб...


 


Қарочиқни ғамлар босди, асролмадим ғанимдан,


Ёв-қайғулар талош этди бор қувонч-у омадим.


Не қилайки, хоин топдим, сотқин чиқди танимдан,


Қовурғамни маҳкам тутиб юрагимни қамадим...


 


Олов мисол сўзлар тусаб шошиб қолдим довдираб,


Темирдайин тишларимга урилиб тилим куйган.


Яшаяпман вафолардан умидвор, жим, жовдираб,


Ҳар қадамда ўтга дучор ғамгусор дилим куйган.


 


Хаста дилнинг хасратлари хатларимга кўчяпти...


 


 

Интизормиз...

Блог им. usdiaman

Интизормиз, йиғлаймиз, сиғи


Бизга севги душмандир, душман


Тимдалайди бағримиз тиғи


Сен бағриқон… Мен-чи беҳушман...


 


Ўзбезормиз, тирнаймиз бағир


Ёвдир соғинч лашкари туман


Ҳеч несизмиз қўлларда чоғир


Биз беқалқон, бетиғ умуман...


 


Дилозормиз, доғлаймиз дағи


Ўзимизни ўзимиз беўй


Замин ол тус, ҳув, яқиндаги


Уфқсиз осмон, беранг-у берўй...


 


Дард ҳазормиз… Соғдаймиз токи


Душманимиз ўлмагунича


Рангсиз қолар оқшомнинг оқи


Юрагимиз тўлмагунича...


Интизормиз...

Менинг...

Блог им. usdiaman

Кабутар –ишқ, беозорим, озорланган дил қасди,


Парларида оралаган севги эди, қормасди,


Кабутарнинг қанотлари сийпалашга зормасди,


Меҳр истар-айбдорми, гуноҳ бўлса, айбим дор...


 


Хазонларга кўксим тутдим, гуллаб кетди кузагим,


Ҳижронларга кўзим сотдим, тилаб ўтди тилагин,


Армонларда кўнглим, қотдим, талаб этди юрагим,


Сенсизликда яшашни-да ўлим деган қалбим бор.


 


Борлигимни унутибман йўқлик ичра йўқолиб,


Ким, бировни зор кутибман алангадан чўғ олиб,


Кабутарни учирвордим, ғурурхатимни солиб,


Энди кўзларимни юммай, кўз ёшларда қолгум бор...


 


Бахтсизликни бахт сизлади, мен умрбод сенладим,


Сизлар митти туйган дилни коинотга тенгладим,


Карвон-умр, бизлар шошиб кетаяпмиз, англадим,


Бошим эгдим поклик истаб, минг шукурким, Қиблам бор!

Cоғиниб

Блог им. usdiaman

Дунёнинг карвони саҳрода тойди,


Овоза ғавғони самода ёйди,


Жоним туяларнинг чекидаги юк,


Кўзларим ўз жонин соғиниб толди...


 


Тақдир бу тақаси емирилган от,


Аравасин юки қадимий Ҳаёт!


Манзиллар ўйимни гаровга олган,


Киприкка осилиб, йиғлайди сабот.


 


Карвонсарой умр, йўловчи ҳислар,


Чарчоқдан ҳориган Ўзим тунайди.


Тулпорни ўғирлаб қароқ олислар,


Таланган дунёни кўзим тунайди.


 


Сабот бор жомларни тўлғазиб бўлди,


Асирликдан озод бўлди ўйларим.


Дунё кемтиклари бир кетин тўлди,


Фақат чўлда қолган юрагим ярим,


Энди у кўзларин соғиниб толди...

Ўзи бир томирга илашиб қолган...

Блог им. usdiaman

Ўзи бир томирга илашиб қолган,


Қаримсиқ умидга ёлвориб боқдим.


Тарк этар вужудим ҳаётлик-ёлғон,


Она, кўзларингдан залворий оқдим...


 


Мен-меҳр тиланган ёлғиз тиланчи,


Умр-мен садақа олмаган эшик...


Виждон-изоҳини ўйладим анча-


Бўйнимга белбоғи бойланган бешик!


 


Она, менга боғлиқ умидларинг кўп,


Уларнинг кечига ҳечдир манглайим.


Жами орзуларинг юрагимда тўп


Қандай англатайин, қандай англайин-


Ўзи бир томирга илашиб қолган,


Қаримсиқ умидга умидвор боқсам...

Кўкарган кўк асли курагим экан…

Блог им. usdiaman

Қуёш ёниб кетди, ой ёниб битди


Куллари сочилди кулранг осмонга


Мени ғамлар йитди,оҳбориб етди


Мудом эшитгучи олий Раҳмонга!


 


Қорайиб бормоқда осмоннинг чўғи


Ғимирдар эҳтимол ойнинг дастаси


Ҳар-ҳар ерда чақнар чақмоқ,бор йўғи


Осмонга ранг қўшар рангнинг устаси…


 


Бирдан ёмғир бошлар оташи ўчсин


Қуёш бекинибди шафақчўлига


У ҳам ўз жойидан сал нари кўчсин


Ой сарбон бўлибди Сомон йўлига…


 


Яна мен адашган,яна мен нодон


Ёнди осмон дея солгандим шовқин


Кулгудан ўзини тутмас жовидон


Табассумда ажин беради ёлқин…


 


Мен адашган эдим ёнмаган фазо


Ёниб кетган менинг юрагим экан


Вафойимга билмай берилган жазо-


Кўкарган кўк асли курагим экан…

Тош...

Блог им. usdiaman

Тош...


Товоним ялаган тилингда жон бор


Қайноқ юраклар бор сенда харсангдай


Сени ишонмайман сангтарошга воҳ...


Сенга ҳам Худойим битгандир манглай.


 


Тош...


Сенда ҳам севги бор ўзингдай майин,


Нафрат бор жонтомрим кесгудай кескир,


Сойларга эртаклар сўйлар ойдайин,


Мажнунтолга ошиқ кўнгил бор сезгир...


 


Тош...


Алпомиш бағрига олов солган сен,


Бошимни ёрганда оғримадингми?!


Ёрилтош ёрилди… Ёрилмадим мен,


Дардинг айтолмайин, оғринмадингми?!


 


Тош...


Тоғдай юксак бўлдинг, заррадек майда


Кечадан қарироқ, келгусидан ёш


Сенга мос бўлолмай, чўкяпман ўйда


Мен яралган тупроқ-майдаланган тош!

Юракни еб, роса семирдим!

Блог им. usdiaman

Лолага қуйиб чой симирдим,


Шамаси қолди.


Тушунмай ўйим қош чимирдим,


Шаъмаси қолди...


Юракни еб, роса семирдим...


 


Қора кийди ой юз дилрабо,


Мотам тутди кўк.


Менга оғриқ кўрмас ҳеч раво,


Ҳотам кутди кўк...


Қидиришга рости эриндим...


 


Кўзмунчоқнинг кўзлари тегди,


Юрагим тинди.


Тик бўйнимни тухматлар эгди,


Юрарим тинди.


Тунлар тишларимни кемирдим...


Юракни еб, роса семирдим!