топик, блог, фотосет ёки йўналтиргич яратиш

jurnalistika:

P.R va reklama talabalar nigohida

Илм-фан
Xalqaro jurnalistika fakultetida joriy yilning 10-mart kuni  talabalar bilan PR sohasida bir qancha yutuqlarga erishgan malakali jurnalist Barno Sayidkamolova bilan qiziqarli uchrashuv tashkil etildi. O'zining jurnalistika sohasidagi bilimlari bilan talabalarga zamonaviy termenlar hisoblangan PR va reklamaning farqi nimalarda ekani haqida gapirib o'tdi. Barno Sayidkamolova bugungi kunda aynan PR sohasida faoliyat yuritayotgan yosh jurnalistlardan biri hisoblanadi.

Фақир киши панадами?

номли блог muhammadzafar
Миллий маданиятимизнинг кўзга кўринган намояндалари, атоқли шоир ва адибларимиз, театр, кино, мусиқа санъати соҳасининг таниқли ҳамда ёш вакиллари, санъатшунос олимлар, журналистлар билан бўлиб ўтган учрашувда давлатимиз раҳбари жуда муҳим масалаларни ўртага ташлади. Президентимиз бу сафар ҳам халқнинг ичидаги дардини тўкиб сочди. Аслини олганда, у

Журналистика таълими: халқаро ҳамкорликнинг янги босқичи

O'zbekiston Davlat jahon tillari universiteti
Илм-фан
Ўзбекистон Республикасининг биринчи Президенти Ислом Каримов томонидан тақдим этилган Мамлакатимизда демократик ислоҳотларни янада чуқурлаштириш ва фуқаролик жамиятини ривожлантириш концепциясида ахборот соҳасини ислоҳ қилиш, ахборот ва сўз эркинлигини таъминлаш борасида белгиланган вазифалар изчил амалга ошириб келинмоқда.
Бугунги кунда

Samarali va foydali loyiha

Блог им. saidbek91
Bugungi O’zbekiston yoshlari chin ma’noda baxtli yoshlardir. Boisi yoshlarimizning keng bilim olishi, o’zining intellektual salohiyatini namoyon etishi va tanlagan kasb-hunarini puxta egallashi, ularning jamiyatda o’z o’rnini topishi uchun shart-sharoit yaratish, tashabbus va intilishlarini qo’llab-quvvatlash mamlakatimizning ustuvor vazifalaridan biridir.

BIZNING BUYUK G`OYAMIZ

Блог им. muniramuxbir

Bizning buyuk g`oyamiz o`zimizning shakillaniw va rivojlanish tarixiga ega bo`lib zamon talablariga uyg`un xolda muttasil boyib takomillashib boradigan tizimidir. Bu tizim tarkibiga yana komil inson ijtimoiy  hamkorlik millatlararo totuvlik dinlararo bag`rikinglik kabi g`oyalar muhim o`rin tutadi. Dunyodagi har qanday milliy g`oya kabi bizning milliy goyamiz ham tarixiy va falsafiy asoslari bor Tarixiy va faksafiy asoslar deganda buyuk g`oyamizning tarixiy falsafiy va ma`naviy ma`no mazmuni hamda xususiyatlarini bilgilab beradigan manbalarni uning qadimiy ilgizlarini tushunamiz. Bizning buyuk g`oyamizning asosini yurt tinchliki vatan ravnaqi va xalq farovonligi degan uchta buyuk maqsad tashkil etadi. Prezidentimiz Islom Karimovning bu haqda aytgan fikrlarini esda tuting. Tabiiyki milliy g`oyamiz shu yurtda yashagan barcha odamlarning oliyjonob niyatlarini xayotiy manfaatlarini mujassam etadigan yurt tinchligi vatan ravnaqi xal farovonligi degan yuksak chuwunchalarini o`z ichiga oladi.Milliy g`oyaning mano mazmunini belgilaydigan asoslardan biri bu xalqimizning qadimiy va boy tarixidir.Xaqiqatdamxam yurtimizning ko`p asrlik taqixiga nazar tashlar ekanmiz unda milliy goyamizning asosiy yonalishlari belgilab beradigan xalqimizga asrlar davomida xos bolgan orzu intilishlarini koramiz.Xalqimizning ozodlik va mustaqillikka intilib kegani shular jumlasidandir. Ota bobolarimizning xech qachon bosqinchi kuchlariga bo`yin egmagan. Vatanimiz tuproqiga dushman bostirib kelgamda umga qarashli kurashga otlangan tariximizda bu xaqiqatni tasdiqlagan misollar kop To`maris va Shiroq Sipitamen jaloladdin mangu berdi amir temurkabi mard va jasur ajdodlarimizning bosqinchilarga qarshi kurashlari misollarida bunga ishonch xosil qilishimiz mumkin.Milliy g`oyamizning tarixiy asoslari bunyodkorlik mexnat sevarlik azal azaldan xalqimizning bosh fazilati ustuvor maqsadlaridan biri bo`lib kelganidan dalolat beradi.  Bizning qadimiy shaharlarimiz dunyo miqyosida tan olingan memoriy obidalarimiz ajdodlarimiz tamonidanyaratilgan AVESTO  shoshmaqom ALPOMISH kabi ma`noviy durdonolari xal qimizniing bunyodkor intilishlari mahsuli anashu intilishlar ham milliy g`oyamizga asos bo`lgan .Xalqimiz qadim qadimdan farzandtarbiyasiga oila mustahkamligiga kata ahamyat berib keladi Insonning shakllanishi va kamolga yetishiga oilaviv muhim ota bobolardan meros an`analar g`oyat muhim o`rin tutadi.

Paparatssi kasbmi?

Блог им. behzodbek

1960 yil. Rejissyor Federiko Fellinining «Shirin hayot» nomli kartinasi ilk bora katta ekranlarda namoyish etila boshlandi. Filmning qay darajada muvaffaqiyatli chiqqani yoki uning kinematografiya san'atiga qo‘shgan hissasi qay darajadaligini bilmadig-u, biroq aynan shu kinoasar yangi sohaga nom topilishiga sabab bo‘ldi. Film bosh qahramonining Paparatsso ismli suratkash do‘sti bo‘ladi. Gap nima haqida ekanini anglab ulgurdingiz, chog‘i. Xirapashshadek, ammo olg‘ir bu obraz rejissyorning og‘aynisi Tatsio Sekkyarolining prototipi bo‘lgan. Qahramonga nom topgunga qadar ijodiy guruhning bir necha muddat bosh qotirishiga to‘g‘ri keldi. Ana shunda rejissyorning xayoliga biroz mahmadona, tez gapirgani uchun «paparatsso» deb laqab olgan maktabdosh do‘sti keladi va obrazga shu taxlit «paparatsso» nomi beriladi.


 




Keyinchalik «paparatsso» ko‘plik shaklida «paparatssi» tariqasida ishlatila boshlandi. Jurnalistikaga bir qadar «o‘gay» bo‘lgan paparatssilar shov-shuv ko‘tarish, tilga tez tushishning vositachilaridan biri ekanidan xabaringiz bordir, albatta. Ular shou-biznes vakillari yoki taniqli fuqarolarning shaxsiy hayoti, kundalik turmushidan ijozatsiz suratga olishib, ularni matbuot va internet sahifalarida e'lon qilib borishadi.


Bunchalar kirsan ey pokiza yurak?!

Блог им. idrokuz
Туяқушдан “нега учмайсан”, деб сўрашса, “мен ҳайвонман”, деркан. “Унда нега ўзингни тутишинг ҳайвондекмас”, дейишса, “мен қушман”, деркан. Бир блоггер тенгдошимга “Қўлга қалам олибсизу, нега дадилроқ ёзмайсиз, десам мен иқтисодчиман”, дейди. Дадиллик ва журъатни носоҳавийликка буриб, гапни шунақа айлантирса ва яна камига блоггерлар чемпионлигига даъво қилса, “Унда опоғдодам бормилар бу ерга блог суқиштириб”, дегинг келаркан.

“Эмас осон бу майдон ичра турмоқ, Навоий панжасига панжа урмоқ”. Ҳа, ижод майдонида қалам кўтариб турмоқ, унга муносиб бўлмоқ жуда мураккаб, қийин ҳолат.Журналистика йўналиши соҳа тадқиқотчиларининг фикрича энг хавфли ўнта касбнинг биттаси. Ҳаммамиз ҳам ана шу “қил кўприк” устида эканмиз, синиб кетмаслик, оний умрда ўздан яхши ном қолдира олиш учун қўлига қалам олган ижодкорнинг юраги тоза ва катта бўлиши шарт. Бунинг тагида эса мардлик ётади. Соҳадаги мардликни камтарлик ва ўзи кабиларга ҳурмат, қалами ўзидан кучлироқ ҳамкасбларини эътироф қила билиш билан изоҳлайман. Шу ўринда ўз камчиликларини тан ола билиш ҳам керак. Масалан мен, ҳалигача беихтиёр имло хато ўтказаман, грамматикада ҳам оқсаган ҳолатларим учрайди. Мияда фикрлар кўп аммо тарқоқ. Тизгинлашга қийналаман. Аммо муҳими, мавжуд камчиликларимни тўғирлаш баробарида фикримни баёнлаш, ўз қарашларимни ўз қаламим орқали ҳимоя қила билишимда, деб ўйлайман. Мустақил позициясига эга бўлиш инсоннинг эътиқодидан далолат беради.


bunchalЮтуқларига маҳлиё бўлиш аввало ижодкор табиатига хос. Дунёни сув босса тўпиғига чиқмайдиган ўрдак ҳам шу қалам аҳли. Барчаси ўзи учун бир олам. Аксариятида эса дилгирлик кайфияти аск этади. Гўё дунё ундан қарздор, ҳеч ким уни тушунмайди, телбалар орасида якка ақл соҳиби ўзи. Уларнинг кўпчилигида нафақат бошқалар ўз ҳамкасбларнинг ютуқларига нисбатан ҳам нафрат, кўролмаслик хислари кўпчиб туради. Ўзича чиройли ташбеҳлар қилган ҳолда ҳамкасбининг ажойиб ғийбатини қилаётган қаламкашларни кўрганмисиз? Балки бундай йиғинчалар иштирокчиси ҳам бўлгандирсиз. Шу соҳада бўлсангиз, кўп кўргансиз, биламан. Ишонч хосил қилишни истаганлар учун эса, ана “сквер” – Мустақиллик майдони. Бир томони “газетний”, бир томони “журналний” зданялар. Метродан чиқишингиз билан ёзувчилар уюшмаси ҳам бўларди аввал…Пойтахтда қалами орқали нон топаётган кишиларнинг асосий қисмини шу атрофда учратасиз. Сатрлари билан хаёлида дунёни забт этиб бўлиб, турмуш аталмиш майда эрмак учун шунчаки ишга келиб кетаётган даҳолар макони. Уларнинг аксарияти моддий тақчилликни емишдан тақаво қилишга менгзаб, тушликда кайфият учун бир пиёла “ваҳдат майи” билан кифояланадилар. Ҳа, дарҳақиқат уларнинг кўпчилигида чинакам даҳоликка етарли истеъдод бор. Аммо дағал дунё нозик қалбларига сиғмаётгани учун ҳам уларнинг истеъдодлари бир қараганда тушунарсиз изтиробларга қоришиб, йўқолиб боради.


bunchalar2222


Ўз устозларим орасида ҳам минг афсуски шу тоифага мансублари борлиги менда ачиниш ҳиссини уйғотади. Шогирдлари ичида уларнинг йўлидан кетаётган ёш истеъдод эгалари эса инчунун. Барча соҳаларда ҳам бир-биридан ўзишга интилиш бор. Лекин ижод аҳли орасидаги кўролмаслик иллати, ўзидан аввалги ўтганларнинг фазилати қатори салбиятларини ҳам мужассамлаштириш, фикрий қарамлик ва ёки “доҳиёна қайсарлик” каби носоғлом қарашлар келажак авлодларни заҳарлайди. “Қачон халқ бўласан, эй сен оламон”, дея дунёдан кўнгли ярим ўтган Чўлпоннинг ҳам умуммаънода айтган бу сатрлари аслида ўз доирасига ҳам тегишли эди. Усмон Носир, Абдулла Қодирий, Маҳмудхўжа Беҳбудий, Фитрат, Мақсуд Шайхзода, Боту, Рафиқ Мўмин каби боболаримизнинг заволида ўз доирасидаги замондошларининг имзолари ҳам аҳамиятли бўлганлигини тарих вароқларидан ўқиганмиз.Халқ шоирлари, ёзувчиларимиз ва ҳатто айрим журналистларимизни бугунда дунё аҳли танийди. Лекин тан оладими? Адабиёт йўналишида “Нобел” мукофотигача Ўрта Осиёдан Чингиз Айтматовгина етиб борди. Қардош даҳони камситмаган ҳолда айтмоқчиман, нима бизда “Қиёмат”, “Жамила”, “Оқ кема” каби асарлар ёзилмадими ёки ўз асарида юксак ғояларни илгари сурган адибларимиз йўқми?..Албатта, бор! Керагидан ҳам кўп, ҳатто. Аммо тасаввур қилинг, жаҳон адиблари қўмитаси халқаро даражадаги мукофотга Ўзбекистондан биргина номзод кўрсатишларини сўраб, ёзувчилар уюшмасига расмий мурожаат қилди. Нима бўлади?.. Томошани ўшанда кўрасиз. Ҳамма бир-биридан зўр, ҳамманинг ижоди бир-биридан аъло. Ҳеч ким ҳеч кимга йўл бергиси келмайди.Ғайрлик, кўролмаслик, шубҳа ва тарқоқлик бор экан, миллий публицистиканинг ҳар қандай соҳаси бўлмасин умумжаҳон даражасида кўтарила олмайди. “Еврей еврей-да” деймиз яҳудийларни. Аслида улардан ўрнак оларли жиҳатларимиз ҳам кўп…“Мастлик ростлик”, дея бекорга айтишмаган. Ўн йилдан зиёд вақт ўтган бўлсада бир воқеа ҳеч эсимдан чиқмайди. Мактаб ўқувчисиман. Барчамиз билган халқ шоиримизнинг туғилган куни тадбирида “Дўрмон”да чой ташиш хизматидаман. Айни базм авжига чиққан пайтида атрофдан ўзига бошқа овунчоқ тополмаган бир халқ ёзувчимиз мени олдига чорлади. Мусиқанинг авжидан овози яхши эшитилмагани учун у киши елкамга қўлини қўйиб, мени ўзига тортди ва бир қўли билан саҳнага ишора қилиб, “дил ёрди”: “Бу одам… Бу одам, одам эмас! Нега бунча мақтайдилар уни! У ҳеч ким эмас-ку, аслида. Бунча ҳурмат, бунча эътибор нега?”.


bunchalar111Тўғри, ўшанда севимли ёзувчимиз ҳушёр ҳолатда эмасди. Унинг бу сўзлари замирида кўролмасликдан анча юқори турувчи ва мен ўшанда тушунишим мумкин бўлмаган ҳиссиётлар яшириндир, эҳтимол. Ҳозир у киши орамизда йўқ. Аллоҳ раҳмат қилган бўлсин. “Нобел” олмаган бўлсада, у кишининг ўлмас асарлари миллий адабиётимизда то абад ўрин олганлигига ишонаман.Айтмоқчи бўлганим эса, буюклар орасида кузатган бу ҳолатимни кейинчалик фаолиятим давомида ҳам кўп кўрдим. Ижодингга биргина илиқ фикр ёки камчилигингни юзингга айтиб, аниқ айбингни исботлаб бериб, дўстона маслаҳат берадиганлардан кўра ҳеч бир изоҳ бермай, истеъдодингни нолга тенглайдиган ва ёки орқангдан тош отадиганлари кўпроқ учрар экан.Ўн тўрт ёшимда энг катта устозим Озод домла Шарафиддинов билан учрашганимда, у киши болаларча ёзган қораламаларимни кўзда кечириб, “Янада кўпроқ китоб ўқисанг, тил ўргансанг, сендан адабиётчи чиқиши мумкин”, деган эдилар. Буюк мунаққиднинг ана шу “мумкин” дея билдирган фикрлари менинг кейинги ҳаёт йўлимни белгилаб берди. Ўша пайтда Ўзбекистон халқ шоири Ҳалима Худойбердиева ўз бағриларига олиб, илк шеърий китобимга оқ йўл бериш баробарида камчиликларимни бирма-бир кўрсатиб, кейинчалик менга жуда ас қотган катта сабоқ бердилар. Тўгаракда севимли ёзувчимиз Тоҳир Маликдан олган дарсларимдан ҳам беҳад миннатдорман.


Шу ўринда, ўн тўрт-ўн беш ёшида лицей ётоқхонасида яшаб, хаваскор сифатида вақтли матбуотга ёзганлари ортидан “қалам ҳақи” олиб, пойтахтда мустақил яшаётган гўдак Абдулла Қодирийнинг “Ўткан кунлар”и, Чўлпоннинг “Кеча ва кундуз”идан таъсирланиб тақризлар ёзсаю, ўзига ҳали бегона бўлган бу оламнинг маълум маънодаги дарғалари, муҳаррирлари қўлёзмани унинг юзига отишса, буни қандай изоҳлаш мумкин? Бу ёшдаги гўдак ҳатто жиноят қилган тақдирда ҳам қамамайдилар-ку?!.Бугун ижод, бугун журналистика янги босқич остонасида. Муҳит кўринмас кишанлардан деярли ҳоли. Имконият тақдим этилган. Ундан қандай фойдалана олиш эса фикри тиниқ, эътиқоди мустаҳкам, юраги катта биз қаламкашларнинг ўзимизга боғлиқ. Фақат бу янги остонага оқ ва кенг кўнгил, шукр ва фикр, мустаҳкам ишонч ва эътиқод каби фақат ижобий ҳислатлар билан қадам босайликки, ҳасад, кўролмаслик, қўрқоқлик каби тушкун кайфиятлар ортда қолсин.Асосли гапларни ёзаётган қалам эгаси турли таъна-дашномлардан қўрқиши керак эмас. Чўчидими, умуман ёзмай қўяқолгани фойдалироқ. Адабиётдаги ўртамиёналик маддоҳлик, ўқувчининг вақти ва қоғоз уволидан ўзга нарса эмас.Айтиш керак гапни айта олсак, янги давр бошлай олсак, аслида бизга “Нобел” ҳам керак эмас.


Аlisher ABDUMALIKXON,


IDROK.UZ uchun maxsus.

Jurnalistika kasblar chorrahasida

Блог им. behzodbek

Ayni kunda jurnalistning biror bir sohaga ixtisoslashuvini davrning o‘zi taqozo etmoqda, negaki u maqola yoki suhbat tayyorlash maqsadida shifokor huzuriga borar ekan, unga shifokordan kam bo‘lmagan salohiyat va bilim darkor. Xuddi shuningdek, muxbir dehqon bilan dehqonday, deputat bilan deputat singari gaplashishi, tilmoch bilan undan-da ko‘p tilni biladigan mutarjim kabi salohiyatga ega bo‘lishi tobora ayonlashib bormoqda.


 


Mamlakatimizda va dunyoda kechayotgan voqeliklarga munosabat bildirish, turli jabhalarda olib borilayotgan islohotlar mazmunini aholiga sodda va tushunarli tilda tushuntirish, ommani xolis va haqqoniy axborot bilan ta'minlash uchun ham sohada ixtisoslashuv masalasi zaruratga aylanmoqda.


“Yilning eng faol jurnalisti – 2011” tanlovi g‘oliblari aniqlandi

Блог им. behzodbek
O'zbekiston Jurnalistlari ijodiy uyushmasi «Yilning eng faol jurnalisti — 2011» tanlovi g'oliblarini e'lon qiladi:

Tanlov g'oliblari:

1. Shahzoda Akbarova — «Ayol va jamiyat» gazetasining maxsus muxbiri (Namangan viloyati). Mamlakatimizda xotin-qizlarning jamiyatdagi faolligini oshirish, ayollar o'rtasida kichik biznes va xususiy tadbirkorlikni rivojlantirish borasida amalga oshirilayotgan chora-tadbirlar keng va tahliliy yoritilgan maqolalari uchun.

2. Sergey Levchenko — «Narodnoye slovo» gazetasi bo'lim muharriri. O'zbekistonda mustaqillik yillarida barqaror iqtisodiy, demokratik huquqiy davlat va erkin fuqarolik jamiyati barpo etish yo'lida amalga oshirilayotgan islohotlarga bag'ishlangan turkum materiallari uchun.

3. Yo'lchi Muhammadiyev — «Oqdaryo» tuman gazetasi muharriri (Samarqand viloyati). Viloyat va tuman miqyosida amalga oshirilayotgan keng ko'lamdagi bunyodkorlik ishlari, qishloq aholisining turmush darajasini yuksaltirish borasida olib borilayotgan chora-tadbirlar haqidagi maqolalari uchun.

Mening kasbim xavflimi?

Блог им. chustiy
 
Mening kasbim xavflimi?


Har bir kasbning, har bir sohaning o`ziga yarasha qiyinchilik va mashaqqatlari bor. Inson yashashi uchun  yaxshi hunar egallaydi, kelajagi porloq soha vakili bo`lishga harakat qiladi. O`z vazifasini o`tash davrida hayotini xavf ostiga qo`yib bo`lsada, uni bekamu ko`st ado etishga harakat qiladi. Ko`pchilik xavfli kasb deganda, qutqaruvchini, o`t o`chiruvchini  yoki bo`lmasa fazogirni ko`z oldiga keltiradi. Hatto men ham jurnalist kasbini tanlaganimda,  kelajakda meni “quchoq ochib” kutib turgan  qiyinchiliklar haqida o`ylab ham ko`rmagan ekanman.
Agar  aniq faktlarga murojaat etadigan bo`lsak, so`nggi 15yil davomida  dunyoda kasbiy vazifasini bajarish chog`ida 685 nafar OAV hodimi halok bo`lganiga guvoh bo`lishimiz mumkin. Xalqaro jurnalistlar federatsiyasi mutaxassislarining  ta`kidlashicha, jurnalistlar ko`p hollarda kasbiy faoliyatlari sababli qurbon bo`lmoqdalar. OAV hodimlari tomonidan siyosiy guruhlar, iqtisodiy doiralar manfaatlariga to`g`ri kelmaydigan va ular yashirishga urinayotgan mavzularning yoki taniqli kishilarning shaxsiy hayoti yoritilishi suiqasdlarga olib kelmoqda. Bundan tashqari, OAV hodimlarining urush va jangovar harakatlar ketayotgan mamlakatlarda faoliyat yuritishi ham tobora xatarli bo`lib bormoqda.
 Jurnalistlar uchun eng  xavfli mamlakatlardan biri bu  Iroq hisoblanadi. Bir necha yillardan buyon harbiy harakatlar ketayotgan mamlakatda  bir yilning o`zida o`rtacha hisobda 65 nafar jurnalist jon taslim qilgan ekan. Xalqaro jurnalistlar federatsiyasining xavotir bilan qayd etishicha, Iroq jurnalistlar uchun o`lim maskani bo`lib qolmoqda.  “To`rtinchi hokimiyat” vakillarining  daxlsizligini  saqlash borasidagi va umuman barcha xalqaro me`yorlar buzilayotgan, qonunsizlik muhiti yuzaga kelgan mamlakatda urush boshlangandan buyon 127nafar jurnalist halok bo`lgan.
         Jurnalist kasbi juda ham ma`suliyatli va sermashaqqat kasb. Shu soha hodimlarini esa tinchlik elchisi deya tilga olishadi, ularga o`lim yo`q. Mazkur tamoyil xalqaro miqyosda tan olingan. Ming afsuski, bunga har doim ham rioya etilmayapti. Bunday noxush holatlarni oldini olish maqsadida « Jurnalistlarni himoya qilish qo`mitasi » tashkil etilgan bo`lib, uning tadqiqotlari OAV hodimlarining o`limi yildan yilga  ko`payib borayotganini ko`rsatmoqda. Qo`mitaning qayd etishicha, jurnalistlar ayrim hollarda ehtiyotsizlik tufayli, yana ayrim hollarda esa qasddan qilingan hujum qurboni bo`lmoqdalar. Bundan tashqari ,jurnalistlarning kasbiy faoliyatiga to`sqinlik qilish yoki ular e`lon qilgan « nomaqbul » materiallar uchun jazolash maqsadida qamoq usulidan ham foydalanilmoqda. Jurnalistlarni himoya qilish xalqaro qo`mitasi ma`lumotiga ko`ra, 2009yilda 129 jurnalist qamoqqa olingan. Tadqiqotlarga qaraganda, kasbiy faoliyati tufayli hibsgaolingan jurnalistlarga ko`p hollarda davlat sirini oshkor qilish, tuhmat, haqorat va boshqa siyosiy ayblar qo`yilmoqda. Ba`zida esa ularni umuman ayb e`lon qilinmasdan ushlab turish holatlari ham kuzatilmoqda. Masalan, Guantanamo qamoqxonasidan ozodlikka chiqarilgan « Al-Jazira » tasvirchisi Sali Al-Haj olti yil davomida hech qanday ayblovsiz ushlab turilgani ma`lum bo`lgan. Aytish kerakki, jurnalistlarning  kasbiy faoliyati bilan bog`liq to`siqlar, ta`ziyq va taqiblar dunyo mamlakatlaridagi ijtimoiy-siyosiy holatdan kelib chiqadi.
         Har bir sohada muvafaqqiyatga erishish uchun tinmay mehnat qilish,haqqoniy va holis bo`lish va albatta, ter to`kib ishlash zarur. Agar biz olmaning pishishini kutib o`tiradigan bo`lsak, hayotda hech qanday yutuqqa erishmasdan umrimiz o`tib qolganini sezmay qolishimiz mumkin.
Iroda AHMEDOVA
O`zDJTU xalqaro jurnalistika fakulteti talabasi.