топик, блог, фотосет ёки йўналтиргич яратиш

Politex:

Жамият тараққиётида ёшлар омили

Toshkent davlat texnika Universiteti

Мамлакатимизда иқтидорли ёшларни қўллаб – қувватлаш, уларнинг маҳорати, ташаббусларини рўёбга чиқариш ва бу борада ҳар томонлама шарт – шароит яратиб бериш мақсадида 1992 йил 28 августда давлатимиз раҳбарининг “Ўзбекистон ижодкор ёшларини давлат томонидан қўллаб – қувватлаш чора – тадбирлари тўғрисида” ги Фармони юзлаб истеъдодли ёшларни кашф этган бўлса, 1993 йил 5 февралдаги “Ўзбекистон ўқувчи ёшларни тақдирлаш чора – тадбирлари тўғрисида” ги, худди шу йили 4 майдаги “Истеъдод ижодкор ёшлар республика жамғармасини таъсис этиш тўғрисида” ги фармонлари юртимиз маданияти, спорти, фан – таълим ва санъати ривожидаги умидли ёшларни тарбиялаб, уларнинг улкан ғалабаларни қўлга киритишига, нафақат республика, балки дунё миқёсида эътироф этилиши учун пойдевор яратди. Натижада, Улуғбек номидаги Ўзбекистон ёшлар жамғармаси ташкил этилиб, унинг асосий мақсади ёшларнинг интеллектуал имкониятларини янада кенгайтириш, уларни асраб – авайлаш, илм – фан ва маданиятни ривожлантиришга бўлган интилишларини моддий ва маънавий жиҳатдан қўллаб – қувватлашдан иборат бўлди. Ушбу жамғарма “Истеъдодларни излаймиз”, “Чет элларда илм оламиз”, “Чет тилларни ўрганамиз”, “Ҳалқаро ҳамкорликни мустаҳкамлаймиз”, “Телекўрсатувлар – илмий тараққиёт кўмакчиси”, “Ёш ишбилармонларни қўллаб – қувватлаймиз” дастурлари асосида фаолият кўрсатди. Табиийки, мустақиллик даврида ёшлар баркамоллиги учун яратилган барча имтиёз ва шароитлар ёш авлоднинг дунё миқёсида жуда катта ютуқ ва зафарларга эришиш учун асос бўлиб хизмат қилди. Ҳаммамиз яхши биламиз: 15 ёшдан то 18 ёшгача бўлган давр – инсон умрида энг нозик, энг мураккаб даврдир.