топик, блог, фотосет ёки йўналтиргич яратиш

Shegiwshilerge mu'rajat

Sherlardan...
Bul illetpe ya a’det,
Sin’dirdin’be boyın’a?
Sigaretti shegiwdi,
Qoyalmaysan’ tuwrıma?

Bilimdanlı adamsan’,
Tolıq oqı usı bet,
Ba’lkim qapa bolarsan’,
Waqıttı sen u’nem et.

Shegesen’ sigaretti,
Qumarı tutsa tosattan,
Lekin shegiw jerine,
İtibar beriwdi umıtpan’.

A’tirapın’ tolı adam ,
Kimge jag’ar kimge yaq,
Bilsen’de sol zıyanın,
Turasan’ oylanbay-aq.

Bajıraytıp aldın’a,
“Не курить!” dep jazılg’an,
“No smoking!”oqıdın’ba?
İnglisshe aytılg’an.

Tu’sinip turıp nege,
Ko’rmegenge alasan’,
Bilmegenin’ tilme edi,
Aytar edim sorasan’.

Sende bardur bul a’det,
Shekpesen’ turalmaysan’,
Oylan, jamandir ta’siri,
Eger dostım qoymasan’.

Shekkin’ kelse qattıg’a,
Adamlardan jıraq bol,
Ja’miyetlik orında,
Qılıg’ın’a urma qol!


Aygu'mis Esnazarova

0 изоҳ

Рўйхатдан ўтганлар ва тасдиқланганларгина изоҳ қолдиришлари мумкин.