топик, блог, фотосет ёки йўналтиргич яратиш

ХОШ КЕЛДИҢ ЖАҢА ЖЫЛ

Маънавият
 
     Өзбекистан Республикасы Президентиниң «Китап өнимлерин басып шығарыў ҳәм тарқатыў системасын раўажландырыў, китап оқыўды ҳәм китап қумарлық мәдениятын арттырыў және үгит нәсиятлаў бойынша комиссия дүзиў ҳаққында қарары тийкарында студентлердиң бос ўақытларын мазмунлы өткериў мақсетинде Бердақ атындағы Қарақалпақ Мәмлекетлик Университетиниң Мәлимлеме ресурс орайында 25-декабрь күни         студент жасларды китапқумарлыққа тартыў мүнасебети менен китапқумарлар клубы тәрепинен «Хош келдиң жаңа жыл» атлы көргизбели әдебий кеше өткерилди. Университет студент жаслары ҳәм китапқумарлар клубының ағзалары, ресурс орайының хызметкерлери қатнасты.
   Кешени орай директоры А.Абдимуратов ашып берди. Сондай ақ, ресурс орайы хызметкерлери, Г.Матакова, Ж.Сайпова, Р.Калмурзаевалар қатнасыўшыларды жаңа жыл байрамы менен қутлықлады. Кеше даўамында студент жаслар ҳәмде клуб ағзалары өзлери таярлап келген қосық, аяқ ойын, әдебий оқыўларын мийманлар нәзерине усынды. Солай етип кеше соңында ҳәр қыйлы ойынлар ҳәм викториналар шөлкемлестирилип жеңимпазларға саўғалар берилди. Қитапқумарлар клубының усындай кешелерди кеңинен өткериўдеги мақсети келешегимиз болған жасларды өзлерине жаратылып атырған шараятлардан үнемли падаланып, бос ўақытын бийкар өткермеў, китап оқыўға деген қызығыўшылығын жәнеде арттырыў, ҳәмде жасларды китапқумарлыққа тартыў болып табылады. Келеси жылы жаңа режелер менен студент жасларды китапқумарлыққа тартыўды алдымызға мақсет етип қойдық.

З.Омарова МРО хызметкери

0 изоҳ

Рўйхатдан ўтганлар ва тасдиқланганларгина изоҳ қолдиришлари мумкин.