топик, блог, фотосет ёки йўналтиргич яратиш

Рейтинг
+16.89
avatar

Nazm

Батафсил

Manim Ustozlarim

Nazm
Nazm aro yo`l ko`rsatib, ustozim dilso`z  Dilorom,
Aylagay oshufta she’rga, shirin so`z  birla mudom.
 
Tutdilar tahrirga misram, dedim:  “mantiqqa qoyil”,
Derdi: “Bergay ul samar”, ustoz  Jahongir Ismoil.
 
Haq yo`lida ul manga, chun berib tahsilni Qur’on,
Orifi 

Yor etarsen

Nazm
Kelib pinhona gar oshkor ketarsen,
Berib jonimg`a Sen ozor netarsen?
 
Sargashtai sarnigun ko`ngil uyim,
Faqat Sen gul-u chamanzor etarsen.
 
Gar Seni Mulkingga mulk bo`ldim desam,
Sen meni olamga ag`yor etarsen.
 

Ўзбекистон Халқ шоири Халима Худойбердиева таваллуд топган кун


17 май севикли шоираХалима Худойбердиеванинг таваллуд куни (69 ёш)
Ҳалима шоирагина эмас, оташнафас публицист ҳамдир. Айниқса, унинг  «Юрагимнинг оғриқ нуқталари» тўпламига кирган мақолаларида замонамизнинг  долзарб муаммолари ҳақида мушоҳада юритилади. Ҳалима Худойбердиева ўзининг  «Муқаддас аёл» (1990) номли шеърий тўплами учун Ҳамза номидаги Ресггублика  Давлат мукофотига сазовор бўлган. 1992 йилда эса унга «Ўзбекистон халқ шоири»  деган юксак унвон берилган.

Асира юлдузга

Nazm
Сен, эй, осмонларга асира юлдуз, 
Улкан йўлларимдан йироқ тур йироқ. 
Менинг масканларим кечамас – кундуз, 
Шуъланг ишвалари қўёлмас тузоқ. 

Сенда хира тортиб қолган бу кўзлар, 
Қуёшнинг юзларин қаердан кўрсин?
 Зоҳирни кўролмай толган бу кўзлар, 
Ботиннинг изларин қаердан кўрсин? 

Сен, наҳот билмадинг армонлигимни?
 Қолди-ку, етолмай, неча ёронлар. 
Сен наҳот билмадинг карвонлигимни?
 Занжир-ла боғлаган эди сарбонлар. 

Сен, эй, шубҳаларга йўрғалаган жон, 
Менинг оламимдан йироқсен, йироқ.
 Нигоҳим руҳингдан тозадир, инон, 
Занг босган юрагинг кўролмас, бироқ.

 Сен ҳамон бегона, бошқача йўлинг, 
Мен эса кимлигинг билиб кетаман. 
Сендан олисдаман, етмайди қўлинг, 
Истасам, сочимга илиб кетаман. 

Сен, эй, осмонларга асира юлдуз, 
Ўтли йўлларимдан йироқ тур, йироқ.
 Менинг масканларим кечамас – кундуз, 
Шуълалар мен учун қўёлмас тузоқ. 

Кавсар © 2010

Islom qubbasi

Nazm

Endi Buxoroning qaro ko’zlari,
Qalbim diyorida yashaydi faqat.
Ilhombaxsh aylagan sirli so’zlari,
She’rim mehrobida tizilar qat-qat.

Islomning eng go’zal qubbalarini,
Qurgayman, jahonning nazmi aro, Haq.
Kiyib shayx-qalandar jubbalarini,
Turgayman, sharqona ustunday faqat.

Sen bilan topdim...

Nazm
 
Sensiz ruhim bu tanda g’arib,
Qaraniydek Yamanda g’arib.
Men Vatanni Sen bilan sevdim,
Sensiz qolgum Vatanda g’arib.
 
Sen Vatanning o’zisan ey yor,
Kamon qoshli ko’zisan ey yor.
Men Vatanni Sen bilan topdim,
Sen Vatanning o’zisan ey yor…
 
Ja’far Muhammad Termiziy.

Janonadir jonimda jon

Nazm
 

Jon beray jonim oling, janonadir jonimda jon,
Yetmish ikki firqadin o’tgan tanu jonimda qon.
 
Men netay oshkora ketgandin tag’in keldi nihon?
Ansizin o’tgan tunim har lahzada aylab fig’on.
 
Dilni hech yoritmading ay, kechaning yulduzlari,
Bas ani sog’inchlarim-la yondiray, manga inon...
 
Gar U, Kavsar so’zlarini aylamas ersa qabul,
Jon beray jonim eting, janonadir jonimda jon.

© 2012 

Oshkor aylama

Nazm

G’amim ichra bu nafsimni boshimda toj aylama,
Meni yo Rab birovlarg’a sira muhtoj aylama.

Menga Rabbim saningsiz birovni yor aylama,
Xayolim band etib hamda tunim bedor aylama.

Bu mahzun holimni hech kimsag’a oshkor aylama,
Ki yo’ldosh aylasang zikrim, g’animga xor aylama.

Ko’ngil mehrobini nafs ganjidin obod aylamay,
Tavozelik qushin dildan sira ozod aylamay. 

Junun ahlidin et mayli, faqat nodon aylama.
Gunohin Kavsaring kechgil, dilin hufton aylama.
18.02.2012 ©

Siz onamsiz...

Nazm

Hayomisiz zamin uzra jilmayib,
Nigohlarin kiprigi-la yashirgan. 
Ummonmisiz ishq dardini oshirib,
Irmoqni ham daryo kabi toshirgan...

She'rimmisiz navolarda yangragan,
Qamar misli tunni kunduz aylagan.
Siz ayolsiz qirq jon ila yashagan,
Go'zal bo'lib go'zalligin sezmagan,
Siz onamsiz — dunyo ulug' aylagan... 

© 08.03.12 

Rashk aylasam

Nazm












Bilursanmi, soching o'psa sabolardin rashk aylasam?
Bilursanmi, yuzing quchsa havolardin rashk aylasam?

Anor olday labing uzra qo'yar bo'lsa yuzin ey voh,
Labing olin so'rab olgan gadolardin rashk aylasam.

Anormasdir bu ham balki, erur sharbat to'la xumcha,
Seni ul xumchadek ko'ngli yarolardin rashk aylasam.

Sog'indim

Nazm










(Nay tilidan)

Har olgan nafasda sog'indim Rabbim,
Cho'llarda qaqragan yantoq misoli.
Ildizim yerning ostidadir, men,
Hamon sog'indim tomchi visolin.

Ҳар не десам

Nazm












Устоз Жаъфар Муҳаммаднинг
"Ҳар чи гўям" шеърларининг таржимаси

Мушк истасам, мушки соро Сен эрурсан,
Мулк истасам, мулки Доро Сен эрурсан.

Ҳар не десам, аввали исминг эрур,
Қайга боқсам, нигоро, Сен эрурсан.

Ошкораю, бироқ кўздан ниҳон,
Ноаён, лек ошкора Сен эрурсан.

Мани муслимлигимда юз куфр бор,
Чун яҳуду ҳам насоро Сен эрурсан.

Ошиқ эрурман бу олам ҳуснига,
Унда ҳусни оламоро Сен эрурсан.

Ман Бухоро учун жон фидо этай,
Чунки шаҳри Бухоро ҳам Сен эрурсан...

Кавсар таржимаси 

Ҳибо айламанг

Nazm















Хаёл ичра сузганим кўриб сиз парво айламанг,
Каъбадек кўнгил уйин шубҳага раво айламанг.

Шайхи Санъон учун бунча, сиз тавалло айламанг,
Тарсолиқдин жудо айлаб, ани порсо айламанг.

Мажнуни Қайсни кўриб, ани мудово айламанг,
Васлдин айру фироқни ошиққа  раво айламанг.

Ишқи ирфоний

Nazm
Кўнглим дардига даво йўқ, ишқингда овораман,
Улус  аро йўқ тоқат ки,  дашт сари равонаман.

Алифдек бу қоматим дол, куйдирди-ку фироқинг,
Ман ҳажрингда дилафгору ҳам дили садпораман.

Висолки ҳушдин айирмиш Лайлини Мажнун каби,
Мен-ку васлингда бир гадо, фақир, ҳам бечораман.

Жаҳон кезганда эй, кўнгил ватан сари тортасан,
Ман кулбамға етолмасдин, жаннатда бегонаман.

Бошима келса ишқ тиғи, жоним нисор этгаймен,
Андин ўзга йўқ бисотим, ман ғариб сайёраман.

Бир замон кўкдан кўнглима ишқинг шуъласи тушди,
Исминг сеҳру шавқидин шул лаҳзадин девонаман.

Эй ошиқлар, сиз бу Кавсар ишқидин сўз очмангиз,
Куйдирса ҳам ишқ аро ишқ ўтида парвонаман.

Кавсар (с)

Subhidam bilingki...

Nazm
Subhidam sochingiz silasa sabo,
Bilingki siz uchun salom yo'lladim.
 
Yomg'ir ham kuylasa yoqimli, zebo,
Sizga deb sehrli maqom yo'lladim.

Gar Quyosh jilmayib tursa mastona,
Mehrimdan eng shirin taom yo'lladim,

Qushlarning xonishi tinmasa biling,
Kavsardan bir ishqiy kalom yo'lladim…

13.07. 2011 ©

* * *

Nazm
Забоним яратдинг, сўзласин дея,
Нигоҳимни ирфон изласин дея.
Айладинг юракни иноят яна,
Ишқимда хато йўл чизмасин дея...

(с) 24/09/2011

Яширгин мени...

Nazm


Яширдим энг латиф сирларим каби,
Сен учун яралган соғинчларимни.
Дийдор кўришганда қизғандим яна,
Ошкора айтмоққа севинчларимни.

Баҳоринг каби илк қалбингга кирдим,
Талпиндим сен томон, қуёшинг бўлиб.
Ҳаёт гўзаллигин мен сенда кўрдим,
Кўкда ой сингари чиройга тўлиб...

Мен сени яширдим, мўъжаз дилимга,
Рашк этиб, дунёнинг зеболаридан.
Шу онда бир калом келмас тилимга,
Ишқимнинг энг гўзал ҳаёларидан.

Эй, менинг шодликка ўранган гулим,
Вафо диёридан топганман сени.
Кавсар юрагингда топгайдир қўним,
Фақат сен ҳаммадан яширгин мени...

Кавсар, 2011, 22. 09. (с)