создание топика, блога, фотосета или ссылки

Ўзбекистонда Конституциянинг 25 йиллигини нишонлашга тайёргарлик бошланди

Ўзбекистон Конституциясининг 25 йиллиги
Законодательство
 

Президент Ўзбекистон Конституциясининг 25 йиллигини нишонлашга тайёргарлик кўриш ва уни ўтказиш тўғрисидаги фармойишни имзолади.
Президент Шавкат Мирзиёев 20 июнь куни «Ўзбекистон Республикаси Конституцияси қабул қилинганининг йигирма беш йиллигини нишонлашга тайёргарлик кўриш ва уни ўтказиш чора-тадбирлари тўғрисида»ги фармойишни имзолади.
Ҳужжат Ўзбекистон Конституциясининг ҳаётдаги ўрни ва аҳамиятини кенг тарғиб этиш, фуқаролар, айниқса, ёшлар қалбида қонунга ҳурмат, Ватанга меҳр ва садоқат туйгусини кучайтириш, уларнинг ҳуқуқий онги ва маданиятини ошириш ҳамда Асосий Қонун қабул қилинганининг йигирма беш йиллик санасини кенг нишонлаш мақсадида қабул қилинди.
Ҳужжатда Конституциянинг норма ва тамойилларининг ҳаётга татбиқ этилиши, Ўзбекистонда амалга оширилаётган кенг кўламли демократик, социал-иктисодий, ижтимоий-сиёсий ислоҳотларга ҳуқуқий замин бўлиб хизмат килаётган Асосий Қонуннинг аҳамиятини ҳаётий мисоллар билан очиб беришга бағишланган туркум тадбирларни ташкил этиш ва бу борада амалга оширилаётган салмоқли ишлар оммавий ахборот воситаларида кенг ёритилишини таъминлаш белгиланди.


0 комментариев

Только зарегистрированные и авторизованные пользователи могут оставлять комментарии.