топик, блог, фотосет ёки йўналтиргич яратиш

G’ALABALIQ MA’DENIYAT HA’M HA’R TU’RLI ZIYANLI, JAT IDEYALARDAN QORG’ANIW BASLI WAZIYPAMIZ

Ajiniyoz nomidagi NUKUS DAVLAT PEDAGOGIKA INSTITUTI
Илм-фан
Bugin «o’rmekshi torı» menen baylanıslı turmısımızg’a kirip kelgen ha’m tez-tez tilge alinip atirg’an «g’alabalıq ma`deniyat» so’z birikpesinin’ ma’nisine itibar bersek «ma’deniyat» so’zi arab tilinen aling’an bolip «qalalı», «rawajlaniw», «tsivilizatsiya» degen so`zler menen u`nles boladı. Demek, ma’deniyat – bul rawajlanıw, joqarılaw demekdur. Onin’ qarım-qatnas, kiyiniw, ja’ma’a’t orınlarında o’zin tuta biliw ma’deniyatı siyaqlı bir qansha tu’rleri bar.
Ma’deniyatlı kisiler bolsa teren’ bilim aliwg’a, rawajlaniwg’a qarap umtiliwg’a ha’mde o’z milliy ma’deniaytin hu’rmet qiliwg’a umtiladi. Sonday –aq xaliqlardin’ milliy ma’deniayti, milliy qa’diriyatlari bayip barsa, olar rawajlansa, sol xaliqtin’ ma’nawiyati, ma’nawiy turmısıda bayıp ha’m joqarılap baradı. O’tken a’sirde qandayda bir jurt ma’mleketti saplastırıw ushın qımbatlı qural-jaraqlar, a’keriy texnikaliq, joqari da’rejede sa’rkardaliq talanti za’ru’r bolg’an bolsa, ha’zirde insan sanasina informatsiyalıq ja’rdeminde ta’sir etiw, oni ma’na’wiyatinan, o’zliginen ayiriwg’a qaratilg’an maqsetlerge bag’darlang’an global tarmaq arqali «ideologiyaliq urıs quralı» ja’rdeminde pu’tkil bir milletti joq qılıw mu’mkin. Onnan ma’pdar toparlar, sho’lkemler de ju’zege keldi.
Qa’nigelerdin’ pikirinshe, ha’zirde batıs ma’mleketlerinde ju’z berip atırg’an ekonomikaliq krizis tu’skinligi sebepli ju’zege kelgen bunday toparlardin’ maqseti kisini o’z u’yi, watani, o’zliginen uzaqlastırıwı, iyman-iseniminen ayırıw, batıs a’lemine ta’n bolg’an du’nyaqaras, a’depsizlik, zorawanliq, na’shebentlik, buzg’inshiliq, o’z janina qas qiliw, individualizm ideyalarin tarqatiw sonin’ esabinan bayliq arttiriw, basqa xaliqlardin’ neshe min’ jilliq da’stu’r ha’m qa’diriyatlari, turmis ta’rizinin’ ma’nawiy negizlerine balta uriw, olardi qopariw esaplanadi. Bunday qa’wipli illetler internet tarmaqlari arqali tarqatiladi ha’m uyali baylanis telefonlari bunda qol kelmekte. Bunnan maqset, jaslar ma’nawiy a’lemin za’harlew, o’z ko’zqaraslarin olarg’a sin’diriw ha’m o’z jorig’ina ju’rgiziwden ibarat.
Bunday adamlar erten’ o’z ma’pleri jolında hesh na’rseden taymaytug’in, millet sha’ni ushin qayg’irmaytug’in, jaqsi a’meller haqqinda oylamaytug’in shaxsqa aylanip baradi. En’ aldi menen insannin’ milletshiligine, mentalitetine uliwma tuwri kelmeytug’in, batis a’lemine ta’n a’depsizliklerge qaray bag’darlawshi buzg’inshi ideyalardi u’git-na’siyat etiwshi bul atamani ma’deniyatsizliq atamasi menen almastirilsa tuwri boladi. A’siler dawaminda qa’liplesip kelgen joqari ha’m da’stu’riy qa’diriyatlardi joq qiliwg’a ha’mde jat ideyalardi en jaydiriwg’a urınıp atirg’an bunday adamlar alkogolizm ha’m na’shebentlik siyaqli illetlerdi u’git-na’siyatlawshi audio, foto, video ha’m basqa ko’rinistegi materiyallar global axborot tarmag’ina jaylastirilg’an millionlap saytlar olar ushin da’ramat deregi bolip xizmet qiladi. Jaslar xabarlardi an’sat o’zlestiredi, olardin’ kiyiniw, ju’ris-turislarina elikleydi, o’z ara qarim-qatnaslarin o’z turmisinda sinap ko’riwge urinadi. Millettin’ biybaha qa’diriyatları milliylik, o’zlik ha’m ma’nawiyatqa zıyan jetkiziw bolsa, insan qa’lbi ha’m sanasın solay iyeley baslaydı. Sol sebepli jaslarda ja’naliqqa qarata sanalı qatnasıqtı qa’liplestiriw, qa’lbinde ma’nawiy boslıq ju’zege keliwine jol qoymawımız za’ru’r.
N.Djumageldiev –
Tariyx-geografiya fakul`tetinin` Ruwxıy-ag`artıwshılıq isleri boyınsha dekan orınbasarı,
A.Baltabaeva —
Milliy ideya, ruwxıylıq tiykarları ha’m huqıq ta’limi ta’lim bag’darının’ 2-kurs studenti

0 изоҳ

Рўйхатдан ўтганлар ва тасдиқланганларгина изоҳ қолдиришлари мумкин.